劍飛聲蔡明紹執到寶

猪拉多纳

「劍飛聲」尋日換咗蔡明紹，結果再下一城，成為首匹連捷嘅S布新馬，而練者蔡約翰已經連贏七期賽事，氣勢如虹。馬主AA84團體成員凌志昌，正好以呢場頭馬，預祝佢今日牛一，佢話無刻意通知蔡約翰作出安排，不過佢本身首度成為團體馬主，用頭馬當係生日禮物，一樣好有意思。
       
劍飛聲內欄等位一擁而上，蔡明紹藝高人膽大。
停賽前打疊起孖

講番「劍飛聲」，呢次因安國倫無法造磅，改用蔡明紹上陣，雖然係不足兩倍嘅大熱門，但贏來唔係想像中咁易，早段處於內欄位置，一度以為會受困，好彩博位成功，末段一竄而上，就此奠定勝局。蔡明紹其後再贏「萬事勇」，停賽前兩次賽事打疊起孖。
       
劍飛聲兩戰兩勝，騎、練及馬主攬頭攬頸笑開懷。

馬主團體方面認為「劍飛聲」仍有大幅進步空間，下仗繼續喺三班角逐，有機會爭取三連捷。