大少爺有心添食

猪拉多纳

　　文廐「大少爺」上仗在谷草1000米作其季內首戰，結果於潘頓胯下輕鬆取勝，尤其此駒閘前賠率急跌，相信有人收穫甚豐。賽後文家良繼續安排牠積極操練，潘頓亦對牠愛不釋手，連課親自操磨， 顯然心中有馬。

　　這次「大少爺」於第一場再跑谷草1000米，部署上擺明有添食決心，力足再下一城。對手方面，今場不少馬匹皆為前駒蹄下敗將，有力威脅的是「好笑容」；此駒實力不算突出，但在五班則肯定夠爭，靠前速食胡之馬喜排四檔有利，三甲一席甚穩。此外，「中國好」也是谷戰能手，近態亦保持甚佳，今仗續用王牌報名要吼實。

　　蔡廐攻勢未停

　　另一方面，蔡約翰馬房近期頻頻有頭馬進帳，今戰賽前有消息傳出，此廐今晚又會有馬贏，最值得留意的是「首飾多寶」及「安琛」。這兩匹當勇之馬皆由紅人莫雷拉押陣，戰意明朗兼馬有實力，其中「首飾多寶」近兩仗愈來愈接近，如上仗便於谷草1650米後上甚勁得第二，今次增程至1800米乃其所長，路合態佳可捧維多利亞賽馬會錦標。

　　「安琛」季內已跑三次及交出兩冠一亞佳績，近況同樣出色，這匹四歲馬潛力未見盡，今仗升班負磅大減形勢好，乘勇而來要做膽。

　　大少爺跑谷草B欄準

　　日期 路程 騎師 名次

　　15-04-12 四班1200米 楊明綸 6

　　09-05-12 四班1200米 蔡明紹 1

　　20-10-13 五班1000米 潘　頓 1