呂卓賢釋放正能量

猪拉多纳

　　華將之中，近期楊明綸深得器重，成績不斷冒升，而其他本地薑如何澤堯、蔡明紹，表現唔係曳，一樣排在騎師榜上游。比較失色係吳嘉晉，迄今贏得1場，上名次數又少。另1位見習生呂卓賢，亦唔見好咗去邊，跑咗接近兩個月，贏過兩W，大家記唔記係邊兩匹呢？咪係9月8日「羅馬神駒」及「魅影蹄飛」，即係唔經唔覺冇發市好耐好耐。

　　呂卓賢近期唔係冇實力馬喺手，好似「回鄉精神」，返嚟輸少少畀「神奇飛龍」，早前谷草「牛精好友」及「威利旺旺」，又係難逃阿二命運，呢位小將真係等到頸都長，都未再有頭馬到手。

　　都靈一號可挑戰強敵

　　今期又點呀，佢跑5匹馬，第一場及第六場有啲眉目，希望可以做番場好戲。「正能量」前仗四班放入第二，下一場輸到唔似真，因為轉場忽然回復戰鬥力，一啲都唔奇；「都靈一號」配合同主馬一齊出，戰意唔會冇，用得小將為減磅，減得幾多得幾多，又好彩排到1檔，有啲運仔，條件加加埋埋，有力挑戰強敵。