告東尼有好好機會

猪拉多纳

　　今期跑馬地八場賽事在C欄C+3彎跑道上舉行，告東尼派出六駒上陣，牠們的實力均強，只是不約而同是前置型馬匹，陣上能否搶埋欄，自然成為勝負關鍵。

　　第六場三班1650米，東「好好機會」這匹五歲馬今季兩戰田草，分別跑第五及第六，不禁令人懷疑現評76分，可能已經摸頂，然而事實卻非如此；先講今季首戰，「好好機會」出爭1400米，該役步速可謂快到癲，即使是前速不俗的牠亦無法貼欄搶放，被迫居中後上，咁點會有運行？但最終亦跑第五，負給食正利大後上形勢的「豐衣足食」四個馬位，表現其實算叻。

　　接，告東尼安排「好好機會」增程至1600米，此駒當時排八檔，全程被「勁飛揚」頂出二望空，兩駒鬥燒下，「好好機會」仍捱入第六名，輸給頭馬「幸運聖」兩個多馬位，走勢唔差。今次告東尼安排牠轉跑谷草1650米，查以往牠六戰同程獲一冠一亞兩季，足證路有專長，排三檔兼同場快馬無多，有力放到。