牛精仔如日方中

猪拉多纳

　　開鑼日賽事小告中三元，對比他上季失落冠軍寶座，大有一雪前恥意味。話時話，上季尾小告與阿航惡鬥連場，廐內各駒耗力不少，同時加分亦多，理應需時回氣才是，惟他有本事W過三關，盡顯本身功力非凡；除此之外，也可見東廐內頗多虛分馬，縱使上季連串搏拼，如今里程仍未見頂。

　　事實上，看剛戰掄元的「羅馬神駒」、「迎風飄揚」和「美麗昇華」，特色俱是質素尚新之馬，就算後駒上季尾兩捷，評分持續上調，但乘着當起勢頭，今季一出仍交出佳績。

　　明晚第七場「牛精好友」和第八場「牛精仔」，兩駒均是四歲馬，今不約而同出戰贏馬路程，賽績有根有據。特別要留意「牛精好友」，上季尾跑谷草1200米敗給「卡達聖」短頭得亞，後駒於開鑼日挑戰一班賽事，最終拼入T腳，照計「牛精好友」今仗身處二班，實力鶴立雞群。

　　至於同主馬「牛精仔」，今仗首次上三班角逐，能力尚未證實，賽前唯有估估吓。然而牠剛季尾愈戰愈勇，狀態如日方中，小心是「美麗昇華」翻版，隨時贏到你唔信！（XX士）