葉楚航福星高照

猪拉多纳

　　今季冠軍練馬師榮銜爭持激烈，對葉楚航來講，連日賽事步步驚心，猶幸上天保佑，馬房至今仍排在榜首。事實上，阿航除了自強不息之外，運氣也不可或缺，正如前日第三場「火龍寶」，適時過檔加盟，為阿航帶來一場及時勝仗。

　　除此之外，還有第八場「食得好」，此駒本是後備馬，隔晚「卡加大師」退出，遂令牠補上正選。雖然「食得好」最終跑第三，力拼下無功而還，但由此可見，此駒搏殺誠意十足，也證明阿航求勝心切，把握每個贏馬機會。

　　講開後備補出，明晚第四場「威水福星」也是這類馬匹，同場呂廐「香港發」是正選，然而排位前宣布退出，終由前駒取代頂上。今次「威水福星」能否捉緊機會，為阿航立下贏馬奇功？賭博士沒有預知能力，卻深信牠是「食得好」翻版，一定砌硬！

　　再講第三場「仔仔女女」，此駒近仗愈跑愈差，剛戰重返四班，走勢也沒起色，跑第九輸五乘許，今仗可會由蟲變龍？觀乎阿航部署，今次刻意找貝湯美助陣，查騎練合作四次獲一贏兩位，幾乎次次有動靜，「仔仔女女」忽然強配上陣，擺明車馬拼到盡！