善喜一閘成名

猪拉多纳

　　話咁快就去到七月，仲有四個賽日，今季就完，而伍碧權同梁定華亦會退休。兩位老牌練馬師今季成績都好，而且時不時有驚喜。當中，伍廐馬常有怪飛，而且幾準吓，不妨信佢。

　　怪飛馬揀第二場伍廐初出馬「善喜」，呢匹馬隔晚曾成大熱門，得3倍左右，一匹冇賽績嘅馬熱得咁過分，唔會冇道理，或多或少同佢六月中試咗課靚閘有關，嗰課閘路程雖然得800米，但睇呢匹馬一放到底，有前有後，就知係好嘢嚟。記得權哥今季嗰匹「醒目波幅」又係初出熱到透，跑落果然贏，今次「善喜」可能都係咁。

　　騎師王方面，今次柏寶雖得七匹坐騎，但係實力分子唔少，既然有35倍，何樂而不為？周仲