BIG 4齊齊發功

猪拉多纳

　　今季賽事真係進入最後倒數時段，連同今次在內，仲有5期便告暑。對於普羅馬迷來說，有兩個月回氣係好事，因為季尾編排賽事的確多得滯，漸漸感到麻木，如果再跑落去，似係捱世界。

　　賽事最後5期，暫時未知冠軍練馬師誰屬，前四位葉東蔡方，頭尾相差6場頭馬，是但一兩位在其中三兩期贏幾場，整個形勢可能唔同晒，所以，練馬師形勢係好互動。正因為形勢膠，如果想做冠軍，彼此都要盡最後努力展開衝刺，亦可能呢個緣故，近兩期賽事一再出現BIG 4齊齊有馬贏，真係好鬼橋，冇多又冇少！

　　唔知呢期會唔會又係咁，睇牌面，唔係冇可能發生，事關BIG 4各有兵力，譬如葉楚航，第七場「海嵐一號」實力足，已經係餐士馬；東第五場「威利猛男」勝在夠勇，近三仗一冠兩亞，場場同你死過，2200米路程亦正宗；方第二場「歷山傳奇」排檔、配件及票數對晒辦，1000米亦係好路程；蔡第六場「好利佳」久未交代，唔會三心兩意。總之，呢4個馬房務須睇實。Jack