博卓爾非凡反彈

猪拉多纳

　　列陣今晚第八場二班1650米的「卓爾非凡」，這匹七歲馬季內六戰僅獲一亞，成績可謂強差人意，但從另一角度睇，期間見牠拼搏有度，體力保持之餘，評分亦已重返上季勝時水平，如今回師其最佳出路，計落係時候博反彈。

　　「卓爾非凡」上仗跑泥地落敗，但前仗跑谷草1650米排極不利的十一檔，沿途難免走蝕位，然而尾三段造出1分12秒17的快時間，僅次於該場公認超班的「連利多」；該駒勝後翌仗挑戰三級賽也獲季，證明「卓爾非凡」現居二班必有着數。

　　列陣第六場三班1200米的「駿蹄飛」，自上年12月勝後便未再上名，惟近仗所見竄勁依舊凌厲，今次同場不乏快馬，賽事步速或因而扯快，這匹後勁馬有望受惠有利形勢盡展所長。黃奔