莫迪反彈上盤抵玩

猪拉多纳

今晚11點你做緊乜？睇緊曼聯嘅費Sir奧脫福告別戰？睇波還睇波，搵食就還搵食，今晚想搵消夜錢，兩場北歐波都值得諗諗！

（日）55莫迪作客對辛尼斯，客隊今季喺挪超出閘脫腳，今季苦戰8輪先喺周中砌低阿里辛特開齋，話晒都係衞冕冠軍，爛船都有三斤釘，只要踢番出氣勢，反彈連贏幾場又有乜出奇？最緊要係今鋪佢哋嘅對手只係實力曳爆，排尾2嘅辛尼斯，只要莫迪今場攞晒3分就可以憑較佳得失球逃離榜尾，你話佢哋點會唔搏命？莫迪讓平半都照捧上盤啦！
撐馬模1.8倍客勝

至於（日）53佐加頓斯主場對馬模，主隊近排內部立立亂，主帥同會長收到球迷恐嚇齊齊唔撈，聯賽已經3連敗，對住今季未逢敗績嘅馬模肯定冇啖好食，1.8倍客勝咪走雞呀！