南陽望族$548最高派彩

猪拉多纳

高伯新喺香港練馬短短兩季，極速喺今季以「事事為王」大熱贏打吡，仲有喺香港贏嘅頭馬賠率大多數都低過10倍，絕對係一位熱門保衞者。
       
冷過季初八心之鑽

不過佢亦有爆冷贏馬嘅時候，季初佢爆隻「八心之鑽」成41倍，係佢在港練馬最冷嘅一場，不過尋日佢將呢個紀錄刷新咗，第四場嘅「南陽望族」票數乏人問津冷至54倍，結果後上殺退同鄉巫斯義匹「太陽戰士」，賽後高伯新對呢場頭馬非常驚喜，佢話呢匹馬對佢有特別意義，皆因此駒正正係佢在港練馬嘅第一W，今次贏馬有啲幸運，幾匹熱門發揮麻麻先令佢偷襲成功，佢亦要多謝馬房上下嘅努力，保持馬匹狀態在良好水平。