護級大爆發 韋根打沉死火天鵝

猪拉多纳

喺英超深陷降班漩渦嘅韋根，嚟到生死存亡嘅時候終於識得大爆發，仲打起咗卡林麥馬拿文呢位後生仔，今晚佢哋喺主場迎戰狀態跌落谷底嘅「天鵝」史雲斯，當然要捧1.7倍主勝，力撐韋根搶得救命3分。

（有線201、301周三凌晨2:45直播）
史雲斯走晒樣7場不勝

韋根目前以2分落後畀護級主要對手新特蘭，但「黑貓」喺最後3輪要面對史篤城、修咸頓同熱刺，前兩者為護級搶分肯定砌盡，熱刺亦要為來屆歐聯入場券搏命，「黑貓」失分機會唔細。況且修咸頓、諾域治同紐卡素仲未上岸，韋根護級未絕望，贏波搶分鬥志鮮明信得過。

雖然美羅費古羅亞同包爾斯亞受傷，令韋根左路攻守實力削弱，不過前線由經驗豐富嘅干尼，搭住近期接連入波助球隊打和熱刺、擊敗西布朗嘅卡林麥馬拿文，進攻火力唔使擔心。再者，史雲斯近排嚴重跌Watt，近7場3和4負唔識贏，就連首席射手米捷同勞基摩亞亦啞晒火，連續3場冇進帳，就算韋根防線有甩漏，恐怕佢哋都未必識得把握喎！