鹿島鹿角受讓有計

猪拉多纳

橫濱水手老將走樣

今輪日職同日乙提前喺周五上演，下晝非常熱鬧，揀場大戰做重心，橫濱水手主場對鹿島鹿角，水手老將中村俊輔同馬昆奴斯等人開季呈迴光之勇，但搏咗一輪後開始謝謝哋，大軍對上兩場聯賽不勝，對手只係新潟天鵝同甲府風林等次級球隊，演出走晒樣，睇怕讓唔起近七戰六勝一和嘅鹿角，熱捧「讓球客勝」！

（有線148台及now 711周五下午2時30分直播）

同日一哥大宮松鼠作客大分三神，松鼠一對斯洛文尼亞攻擊球員路華高域及隆比真歷有質有態，唔似係虛火，計晒聯賽同盃賽，佢哋今季作客六戰全勝，好鬼犀利，對住弱旅三神贏面極高，捧客勝。

至於大阪櫻花就會作客湘南比馬，櫻花今季過分倚賴箭頭柿谷曜一朗，佢一死火班波即時冇料到，整體水準唔多穩定，作客讓波擇使，呢場博「讓球主勝」。