近4次第11場韋達贏晒 首蝕孖寶行尾運

猪拉多纳

今日5‧1勞動節加料跑夠11場，尾場韋達胯下的「首飾孖寶」，上仗力拚「摩法神采」、「齊歡笑」兩匹再出有好表現馬，落三班當然夠分量，而韋達近4次跑第11場全部贏晒同樣勁，今次孖住蔡神仙呢匹「首飾孖寶」，隨時又係「寶」物沉歸底！
       
首飾孖寶今仗路合兼配韋達把關，有晒條件食出尾胡。

蔡廐「首飾孖寶」剛戰跑二班泥地1650米，力拚下只得第四名輸四馬位頗遠，但睇番鄰近對手，亞軍「摩法神采」翌仗縮程跑1200米繼續上名，至於季軍的「齊歡笑」，轉戰濠江埠際賽澳港盃，更以客軍身分排眾而出奪冠，可見該役473場水準極高，「首飾孖寶」此席第四其實唔簡單！
       
蔡約翰
「加場」熱食冇失拖

「首飾孖寶」今午配韋達於第11場壓軸上陣，也有另一項旺門數據支持。原來韋達近4次跑第11場，勝出率百分百無花假，頭馬計有「綠色威」、「大運財」、「紅衣巨龍」及「風花雪月」，全部熱食冇失拖，既然騎者次次「加場」都咁順，高卡士的「首飾孖寶」落在其手上，又可以行個尾運贏多場！