|
|
唔經唔覺，英超已經進入最後4周，我最冧嘅曼聯已經提早封王，但故事仲未完，其實無論係榜尾嘅護級爭逐，抑或係爭前4歐聯資格，仲相當有睇頭！今晚就有急住護級嘅韋根主場迎戰爭緊歐聯入場券嘅熱刺。韋根經歷過2連敗後，目前排緊18位，落後對上一位嘅維拉3分但少踢1場，所以今晚唔可以輸，班波一定搶錢咁搶。
季尾發惡有料到
「根哥」今季英超主場平均失2粒，後防差係事實，呢幾年佢哋已經習慣去到季尾先發惡，兼且由主場嘅比賽開始反彈，近兩次主場先後擊敗紐卡素及諾域治。雖然韋根唔係乜嘢富豪球會，歷年來成績亦唔算顯赫，但就韌力十足，自05年起踢英超以嚟就未曾降班，仲記得上季佢哋喺最後幾輪爆發小宇宙，連贏阿仙奴同曼聯，所以千祈咪睇小佢哋！
熱刺加里夫巴利上場復出，成隊波唔同晒，主場3比1反勝曼城，但佢哋失球數字好勁，近8場波失咗15球，今晚兩軍鬥志鮮明兼有前冇後，肯定會出現大比數，一於揀入球「大」等收錢啦！
Wendy推介：韋根Vs熱刺 大盤 |
|
金睛卡
发表于 2013-4-27 06:14
变色卡
显身卡