侯城剪「布」保前二

猪拉多纳

今晚啲波愈夜愈好路，好似2:45場英冠咁，侯城喺主場恭候布里斯托城（五）23，季尾波邊隊鬥志好就邊隊秤先，布里斯托城周中輸畀伯明翰之後已經篤定來季甲組見，試問班球員仲點會搏吖？

侯城就唔同嘞，佢哋只係領先排第3但得失球較佳嘅屈福特6分，為鞏固「二哥」席位爭直接升班，今晚肯定唔會放過到訪嘅布里斯托城，客軍今季已經失咗77球，無心戀戰隨時繼續輸鑊勁，今場波捧1.97倍「讓主」。

隔15分鐘開波場西甲獨腳戲（五）24亦都非常好路，牌面睇落華歷簡奴係高過馬略卡，但華歷簡奴歷來7次喺聯賽、盃賽造訪馬略卡只係錄得1和6負劣績，信吓邪捧馬略卡讓平半。