賓帥明剃羅渣士眼眉

猪拉多纳

紅軍羅渣士大作戰！利物浦衝擊來屆歐聯嘅希望微乎其微，依家最緊要嘅係喺默西塞德郡抬起頭做人，死都唔畀愛華頓連續兩季騎住自己；對家雷丁則要為護級而戰，冇得揀焗住狂攻，兩隊有前冇後，肯定大把入波睇！
話自己準備好重掌紅軍

利物浦喺英超咁多年，只係試過兩次排名低過愛華頓，其中一次就係上季，結果喺默西塞德郡瘀足成年，家陣少踢一場嘅「拖肥糖」多紅軍3分，換句話講，利物浦要喺雙方下月初對決前拉成均勢，今鋪作客都毫無保留。最過癮係前紅軍主帥賓尼迪斯「身在曹營心在漢」，自知喺車仔冇運行，竟然話做好翻兜執教利物浦嘅準備，現任領隊羅渣士畀人明剃眼眉，梗係佛都有火啦，佢今季執掌球隊後注入新元素，經過半季嘅改革漸見收效，今晚肯定吩咐班球員砌盡省招牌！