格雷主場搵阿「福」着數

猪拉多纳

今晚德甲格雷特霍夫主場對法蘭克福，主隊受讓平半捧下盤！格雷特霍夫主場雖未開齋，但近排就打起左閘舒美迪高，佢喺月中鬥不來梅頂替受傷嘅尼域，即整球靚助攻，啱啱仲為哈薩克射破德國大門，取得國家隊首球，有望感染隊友踢爭氣波。

（有線61、64、201、203及廣東體育周日晚11:30直播）
法蘭克福近6戰不勝

法蘭克福雖然係聯賽4哥，但近6場得3和3負之餘，乾貴士、美亞同史堤芬艾格拿呢個進攻鐵三角仲集體啞火，雖然教練艾明費啱啱續約，但係施巴斯坦魯迪同施巴斯坦真格兩件德國新星就未肯動筆，魯迪仲備受多蒙特同阿仙奴等大會垂青，睇嚟呢個問題未解決，班波繼續沉落去都唔奇！