阿積士大炒奈梅亨

猪拉多纳

「雙燕」追得緊 盡數保優勢

荷甲老牌球隊阿積士正為聯賽冠軍繼續努力，今輪聯賽阿積士將喺主場對戰奈梅亨，基於阿積士畀「雙燕」燕豪芬及飛燕諾逼得好緊，最後隨時要計得失球差，今場有必要贏波以保住爭標有利位置。對手奈梅亨近期突然走樣，球員狀態同２月份有好大差別，今場作客面對強敵好蝕底。預料阿積士有力喺主場大勝，中位數開到3.5照捧大盤。

（now 639周日晚10時30分直播）

阿積士近期走勢唔錯，喺聯賽取得三連勝佳績。事實上，阿積士喺歐霸盃出局之後就「的」起心肝爭聯賽錦標，鬥志肯定比以前強得多。最近有消息指阿積士少帥法蘭迪保亞受到多間大球會留意，包括英超豪門車路士，為要令自己教波生涯更上一層樓，法蘭迪保亞有必要贏得荷甲冠軍以省靚招牌。奈梅亨喺聯賽已經連輸三場，近年對住阿積士又輸多和少，主Ｗ及「讓球主勝」冇乜肉食，吼大盤啱數。
比斯特里爾爆入球騷

法甲賽事比斯特主場對里爾同樣揀選大盤，主隊為護級必主攻，客隊爭歐戰入場券唔會死守。兩隊都有明確目標，今場隨時會大駁火，入球大有分頭捧得過。