恩斯報仇！黑池「+1」咪當流

猪拉多纳

炒我？今次就要你雙倍奉還！今晚英冠黑池作客布力般流浪，客軍領隊恩斯08年執教布力般唔夠半年就被踢走，佢賽前話好期待回歸伊活公園球場，當然想大報復；布力般啱啱又換領隊，班波元氣大傷冇喱神氣，受讓嘅黑池「讓球客勝」捧得過！

（周五晚11時開賽）
布力般幾度易帥立立亂

如果搵一個字形容布力般本季情況，肯定係個「錯」字。球隊季初表現神勇，升到去聯賽榜第三位，但領隊堅恩卻突然被炒，之後搵嚟新球員貝治帶隊，點知教得57日就冇得撈。好喇請黑池主帥艾比頓，褫奪梅菲隊長職位，搞到球隊愈踢愈衰，67日就被趕走。依家再搵青年軍教練加利保耶頂到季尾，咁嘅內部氣氛，踢到好波先奇啦，難怪近八仗六場冇波入。

拿仁一向對恩斯冇好感，但近期帶領黑池終算做到四平八穩，近五場只輸一仗。五年前恩斯帶布力般，帶咗17場就被炒，球迷不斷作歌叫佢下台，今次重臨舊地，論質計態都有力復仇，受讓好路。

另一場打比郡主場鬥布里斯托城，客軍護級水浸眼眉作客都要攻，捧大；李斯特城主場鬥米禾爾，「狐狸」愈踢愈沉，讓波捧米軍。