卡維尼唔上唔落難掃克

猪拉多纳

周三凌晨上演英甲獨腳戲，由卡維尼主場對克魯。現時英甲已進入尾段，多支位處中游嘅球隊都唔會太過進取，就好似今場主角卡維尼，喺積分榜唔上唔落，爭勝鬥志唔會太強，要讓波就唔抵捧。更何況克魯近期表現又唔差，今場絕對有能力作客搶分。計落卡維尼冇十足把握贏波，克魯　「讓球客勝」要留意。

（周三凌晨3時45分開賽）

卡維尼本來喺聯賽好少開和，但近期竟然一反常態打出四連和賽績。大家都知卡維尼只係一支中游球隊，球迷好難對卡維尼要求太高，和波有一分落袋已經有晒交代。不過，今場要向克魯讓波就唔多樂觀，因為克魯近三次對卡維尼都未輸過，球員狀態亦唔會差得過對手。
普巴兄長坐鎮克魯

特別要留意係克魯射手馬特斯波格巴，佢就係祖雲達斯勁人保羅普巴嘅哥哥。馬特斯波格巴今季已經為克魯取得12個聯賽入球，屬球隊首席射手，如果繼續有好表現交出，唔排除7月會去祖雲達斯試腳，所以佢今場一定搏盡。克魯有好射手助陣，「讓球客勝」就更有捧場價值。