史提芬納治客戰圖利

猪拉多纳

周三凌晨有英甲賽事舉行，其中一場由貝利主場對史提芬納治。貝利喺積分榜包尾，當然要全力爭勝護級，弊在貝利球員質素有限，近幾場表現都令人相當失望，今次主場出擊亦欠取勝把握。史提芬納治上輪大炒錫菲聯具說服力，平手盤坐和望贏。

（周三凌晨3時45分開賽）
貝利護級有心無力

貝利雖有意搶分護級，但近幾場聯賽都冇法交出好成績，球迷亦無謂對佢哋有太大憧憬。貝利近幾次主場出擊都全失三分，當中所遇嘅對手如高車士打及卡維尼，只不過係英甲中下游球隊，由此可見貝利實力已經見晒底，今季要成功留級可謂難過登天。

史堤芬納治表面上缺乏搶分動力，但見上輪以四球大勝前列分子錫菲聯，證明史提芬納治喺季尾階段仍然保持專業，絕唔會輕易向對手「放水」，雖然今場要作客，但質素仍較主隊貝利為高，開出平手盤可捧史提芬納治。