高伯新話得事

猪拉多纳

　　今日上演兩項一級賽，第七場女皇銀禧紀念盃，以及第八場打吡大賽。前者為速度系列尾關賽事，之前兩關盟主乃「鷹之團」及「天久」，後駒今日有份參與，且看能否蟬聯？！

　　至於今屆打吡大賽，有4個馬房出馬達兩匹或以上，蔡、方各兩駒，大摩及高伯新出夠3匹，單單4個馬房已達10駒。相信單騎應戰嘅餘下幾個馬房，不易突圍而出。

　　其中以高伯新馬房最受注目，可能「大運財」稍為低啲，但打吡大賽唔係未見過慢步速之下，呢類均速一哩馬一樣交出好成績，未必一定係陪太子讀書。

　　而「事事為王」自然係焦點，上賽終於顯出實力，輕勝兩個身位有多，加程200米，睇唔到會係壞事，而且，此類賽事往往熱門有利，隔晚賣到十幾蚊，反映了信心。廐侶「連利多」，出賽兩場全勝，實力未盡露，如果長途性能比中程更好，威脅力點會細。Jack