霍利時勝利就手連捷

猪拉多纳

今季回巢霍利時馬房嘅馬成績唔錯，例如「爪皇盛水」上季過咗方仔度贏唔到，不過今季返嚟霍利時度又搞番掂，再次贏馬入凱旋門，尋日佢另一匹回巢馬「勝利就手」仲威水，升上四班要面對新勝嘅「白鷺高飛」，佢啲支持客仔都走咗唔少，變番14倍嘅半冷門，好彩喺霍勵賢胯下表現出色，完成連捷任務，成為霍廐季內第二匹連捷馬。
       
勝利就手五升四輕磅連捷。

霍利時賽後話呢匹馬之前腳的關節位有過毛病，所以跑來跑去都無表現，依家健康正常番，上次贏咗之後，自信心仲增強咗唔少，同埋今次繼續有運排咗喺一檔，孭磅又輕咗一大截，接手嘅霍勵賢發揮得好，再贏當然開心，如果季內再有合適形勢，有機會再贏。