皇蘇 馬體會「大」翻身

猪拉多纳

近年西甲呈二龍爭珠之局，巴塞、皇馬獨步天下，但係二、三十年前嘅西甲，情況大大不同，華倫、拉科、薩拉戈薩、切爾達、馬體會甚至皇蘇都有過輝煌一頁。其中皇蘇便曾喺80年代各奪西甲冠、亞軍兩次，國王盃一次。

「十年人事幾番新」，皇蘇呢10年經歷過02至03球季再奪西甲亞軍，到06至07年降落乙組，又喺09至10年重返甲組。今季皇蘇令人意外喺西甲跑出，落後第4位嘅馬拉加2分，有望奪得來屆歐洲賽入場券。教練大膽重用年僅20歲嘅柏度古迪利斯作為球隊中場大腦，專門負責策劃進攻，配合墨西哥國腳卡路士韋拿，攻擊能力全面提升。

皇蘇今仗對手馬體會昔日亦係一路雄師，95至96年球季同時勇奪聯賽同盃賽錦標。其後經歷低潮，近年已重拾霸氣，上季勇奪歐霸盃同超級盃冠軍，亦係球會第16次獲得雙冠佳績。馬體會喺歐霸盃出咗局，可專心應付聯賽，佢哋今季聯賽主場出戰，13戰全勝之餘，近8場更係零失球，考慮到馬體會同皇蘇近況勇，且都屬主攻型球隊，今仗會係精彩嘅入球騷。