布力般態曳虛不受保

猪拉多纳

英冠快車衝呀衝，布力般有足總盃八強後顧，益晒保頓！保頓主場迎戰布力般流浪，主隊力爭殺入前六全力衝刺，近期連斬侯城同班士利兩大弗波。布力般四日後要爭入盃賽四強席位，今戰頓變雞肋，保頓力足四連捷，捧主W！

（周三凌晨4時開賽）
布軍留力足總盃

布力般二月中作客爆大冷淘汰阿仙奴贏盡掌聲，以為佢哋可一鼓作氣衝擊升班，點知突然大跌Watt，近四戰一和三負。目前布力般同第六白禮頓差成10分，球隊只能將希望放於足總盃。八強佢哋會作客米禾爾，布力般大有機會晉級四強，諗過度過之後，今仗九成九留力。

保頓上仗憑前利物浦雙星尼高治同史比寧建功，擊敗力求反彈嘅班士利，已經取得三連勝。事實上，領隊費曼係有料之人，經過磨合期後就可發揮保頓應有威力。目前球隊差白禮頓7分，今場必出十成力求勝。

伯明翰主場鬥黑池，伯軍上仗遭侯城大炒，調整後必加強防務。黑池新帥恩斯上任三仗零入球，捧細盤。布里斯托城主場撼白禮頓，白軍作客戰鬥力減，布軍主場四連勝威勢勁，受讓可捧。