卡坦踩油過國米頭

猪拉多纳

意甲卡坦尼亞主場鬥國際米蘭，卡坦尼亞上輪憑優異表現作客擊敗帕爾馬，目前只係落後排第3嘅拉素5分，歐戰夢已經唔係幻想，今晚重返主場面對多佢哋兩分嘅國米絕對係一場「6分波」，國米近期作客曳到震，人腳又唔齊，平手盤當然撐卡坦尼亞啦！

（周日晚10時開賽）

卡坦尼亞主場不嬲惡，今季13戰贏咗9場，尤其上月底贏費倫天拿水準最高，呢支小球會一直夢想參加歐洲賽，目前士氣如虹上下一心，主場出擊真係惡過老虎。今仗雖然有攻擊手柏保路巴列安圖斯養傷，守將古斯比比路斯同歷高達利停賽，但相比起國米嘅缺陣情況，其實已經好好多。

國米喺迪亞高米列圖受傷後，一直欠缺一名正宗中鋒，今仗仲有後衞森美爾、馬迪亞斯施維斯達、翼衞長友佑都同中場穆汀加爾因傷缺陣，主力中堅蘭奴捷亞停賽，球隊近7場作客聯賽只得1分，1:1和羅馬之役仲要全場捱打，Ali認為佢哋咁樣踢落去，下屆歐洲賽都唔使預，今晚就好有可能畀卡坦尼亞過頭。
Ali 推介：

卡坦尼亞上盤 ★★★★

卡坦尼亞大 ★★★

費倫天拿讓球勝 ★★★