熱爆男捧評馬協盃

猪拉多纳

昨日天氣轉冷，賽果則暴冷暴熱。薛寶力賽前因腸胃不適退出，六匹易配坐騎之中，第六場嘅「熱爆男」原本應該係機會較次嘅一駒，點知呢匹初出馬喺賴維銘胯下後上如箭，以鼻位險勝「驪龍」捧走香港評馬同業協進會挑戰盃。
       
熱爆男（9號）後上強勁，力壓驪龍及大把世界（紅衫）捧盃。
賴維銘行運頂替薛寶力

賴仔繼禮拜三快活谷夜賽贏「龍騰虎震」，今次做替工又添一W，認真有運，而今場亦係佢季內首項盃賽勝利。
       
熱爆男馬主一家大細影相威威，樂也融融。

至於訓練「熱爆男」嘅鄭俊偉，就話隻馬表現之佳完全係佢意料之外，「熱爆男」由蔡約翰來投之後兩試大閘，第二次嘅表現明顯進步，加上來港前在英國跑過膠沙地，所以初出畀佢跑泥賽試吓，竟然有理想回報，論馬可以勝任至2000米，不過下仗會否再跑泥地，就要同馬主商量再作決定喇。