蒙特利爾衝擊海灣者

猪拉多纳

美職開鑼投靠意國勢力

新一季美職將於周日早上舉行，其中一場由西雅圖海灣者主場對蒙特利爾衝擊。來自加拿大嘅蒙特利爾衝擊上年先至參加美職，上季未能打入季後賽可以理解，而經過一整季適應之後，相信蒙特利爾衝擊會有更佳演出。西雅圖海灣者雖有主場之利，但從對賽往績顯示優勢唔算太大，今場蒙特利爾衝擊受讓可捧「讓球客勝」。

（周日早上11時30分開賽）

蒙特利爾衝擊由意大利裔奶品大亨沙佩圖執掌，其家族與意大利關係相當密切，所以能引入唔少意甲球員到北美發展。現時陣中除咗有尼斯達、迪華奧及費拉利三名前意大利國腳外，最近仲從意甲博洛尼亞羅致安德列比辛奴。安德列比辛奴名氣當然唔響，但能喺意甲球隊站穩一席位，應付美職可謂綽綽有餘。蒙特利爾衝擊透過前意甲球員去提升競爭力，今場作客西雅圖海灣者應可見成效。
海灣者簽紅軍棄將查奧爾

西雅圖海灣者季前免費簽入左閘查奧爾，呢位前馬里國腳曾協助利物浦贏過英聯盃、歐聯及英足盃，經驗可謂相當之豐富。不過佢近年表現大跌Watt，球隊要求佢試腳合格先可正式加盟，究竟佢對西雅圖海灣者有幾大幫助實屬疑問。