歡惑加眼罩W得

猪拉多纳

　　今日跑金盃，大賽日通常係大馬房出手時期，睇完各個馬房出馬名單，兩大倉口蔡約翰及告東尼，齊齊以強兵迎戰，兵馬既多且勁，唔使問阿貴，呢期會係佢兩個世界，問題只係可以贏到幾多場，所以，今日有唔少場合，唔揀東蔡馬匹，一定有損失。

　　第一場第四班1000米。「官仔骨骨」真係冇改錯名，唔係幾搏得，上季至今，最叻都係連續兩次上名，好不過三！賀賢已經熟知此馬脾性，點會浪費匹馬短暫升浪。今次隔1個月復出，應該唔會走樣。而上場轉跑直路賽，能夠與超級馬「紅衣巨龍」串Q，賽績出色，今場對手冇咁強，應該輪到佢威威。

　　第四場第四班1400米。「歡惑」單單係件綵衣，已是實力及鬥志保證，上賽繼續交出佳績，後生馬愈來愈叻，進度比起初出道好好多。今次加眼罩，大摩想改善隻馬走勢，用意向好，若果令到能力進一步，四班無懼任何對手，賠率唔太熱值得捧W。

　　第九場第三班1400米。「隨心隨意」初出即勝，再出屈居阿二，唔係能力問題，後生馬負頂磅仍有Q，算係好犀利。今仗升至三班，負磅輕得多，對發揮極大幫助。另外，呢匹馬兩出均有表現，睇得到幕後有幾進取，以及鬥志有幾強，相信韋達一定醒醒定定，畀足心機去跑，熱食亦在所不計。