弗賴堡回勇施「法」搶W

猪拉多纳

周五德甲獨腳戲弗賴堡主場對法蘭克福，認真考起黑柴。雙方今季表現同成績同樣遠超外界預期，目前分別排第5同第4位，都正力爭下屆歐洲賽事席位，相比之下法蘭克福中前場人腳唔齊，弗賴堡狀態較佳加上主場之利，建議小敲主勝。

（有線64及204台周六凌晨3時30分直播）

弗賴堡喺勤力教頭施特拉希帶領下長期保持高水準，歇冬後經過一段時間調整狀態，近期兩連勝又告回勇，上仗作客同雲達不來梅合演入球騷，爆冷贏3比2之餘，仲有多次精彩攻門鏡頭。弗賴堡目前冇傷冇病，中前場馬基亞迪、舒卓斯特、卡利古尼同麥斯古斯嘅合作，喺無間跑動下威力非同小可，今晚主場出擊只要贏波，就可以搶去對手前四名位置，當然搏甩髀。
法蘭克福作客甩轆

法蘭克福季初表現比弗賴堡更佳，但近期演出比較反覆，尤其主力取分人物隊長美亞腳風唔順，防線又唔係咁穩，上仗作客多蒙特慘吞3蛋，雖然話對手實力強，但喺大部分時間人多打人少下都要捱打，狀態唔理想，今場仲有中場大將乾貴士停賽，箭頭拿傑因傷缺陣，戰鬥力進一步削弱。何況作客始終係法蘭克福弱項，近9場聯賽作客輸咗6場，今晚遇上當起嘅弗賴堡並唔樂觀。不過雙方實力始終相差不遠，主Ｗ熱到得1.82倍有啲過分，你可以話賠率顯示對主隊有信心，但值博率唔高，小注為宜。