錫耶納 拉素做「大」騷

猪拉多纳

射手鬥入波

今晚意甲獨腳戲有拉素作客錫耶納，雖然主隊護緊級，但佢哋近4戰有3場不敗近況唔差，坐鎮主場未必輸蝕畀經歷過歐霸惡戰嘅拉素o架！既然佢哋嘅新援恩洛辛艾馬加拉表現大勇，同拉素後備射手費路卡利有力合演入球騷，一於捧2.2倍入球大啦！

（開賽時間：周二凌晨3:45）
藍鷹攻強守弱勁開大

拉素喺上周中歐霸盃32強首回合惡鬥慕遜加柏，踢少個之下臨尾逼和3:3，的確睇到小妹拍爛手掌！不過班球員咁踢法都咪話唔傷，查實拉素已經連續4場聯賽未贏過波，夾埋仲失咗7球咁多，證明防線麻麻。好彩代替高路斯嘅前鋒費路卡利近5場聯賽攻入4球，表現絕對收貨，攻強守弱，難怪近4場賽事開出3次入球大啦！

主隊錫耶納雖然仲喺榜尾浮沉，不過佢哋近4戰得2勝1和1負，似乎有復甦迹象，最緊要係喺冬季轉會窗先加盟嘅前鋒恩洛辛艾馬加拉表現對辦，連續2場有波入，今次對住防線唔穩陣嘅拉素有力再取士哥，幫「藍鷹」延續開「大」嘅走勢。