拿玻里補飛大踢爭氣波

猪拉多纳

拿玻里剛於歐霸盃慘吞柏辛域陀尼亞三蛋，教練馬沙利喺記者會講明周日意甲一定拚盡，希望盡快令球員重拾勝利感覺。今晚拿玻里將於主場對森多利亞，深信主隊會有唔同發揮，始終意甲先至係拿玻里今季最大目標，球員爭勝心一定強過踢歐霸盃，大勝一場都唔出奇。考慮今場賠率，巨高決定推大盤畀大家。

（周日晚10時開賽）

拿玻里老闆迪羅倫迪斯以及球迷對於聯賽冠軍有好大期望，教練馬沙利都希望今季拿下獎盃，為自己執教生涯推上高峰，反正喺歐霸盃以大比數落後都唔易反先，拿玻里隨時疊埋心水專心打意甲。老實講，馬沙利本身對歐霸盃都唔太上心，如果唔係幾位骨幹成員包括咸錫、恩拿、甘柏拿路及隊長保羅簡拿華路又點會放喺後備席呢！預計上述幾位主力會悉數上陣，務求大炒森多利亞以振奮軍心。
森多利亞小將滿場飛

今場其中一個焦點就係兩個90後當紅球員大鬥法，所講嘅當然係拿玻里嘅恩斯治尼以及森多利亞嘅莫路伊卡迪。兩位後生仔腳法純熟兼活力十足，尤其是莫路伊卡迪更加踢到滿場飛，今場同場獻技肯定會帶動兩支球隊進入對攻局面，入球大點會甩拖。