杜利萊2013大躍進

猪拉多纳

　　杜利萊近期賽事頻頻交出好成績，打從今年1月開始，經常有頭馬交出，「連利多」兩捷、「瀟灑駿駒」、「碧科」、「好好計」、「鷹之團」、「精彩生輝」、「勁威小子」、「逸逸友福」等。

　　事實上，杜利萊9至12月賽事之中，贏馬數字偏少，累積11場頭馬而已，但踏入2013年，只係跑了12期，已經擸到9W，數字忽然增長快，唔可能係一個「旺」字，或者手風順，可以解釋得到。

　　支持來自高鄭兩廐

　　一直以來，杜利萊坐騎基地冇韋達、潘頓、柏寶咁多，而開季至今，曾經合作過嘅練馬師為17個，攜手贏到馬嘅有6個馬房，最支持者則係高鄭兩廐，再數落去係沈廐。

　　而1、2月杜利萊頭馬所屬馬房，絕大部分係高鄭兩廐，前者4W、後者3W（另外兩場乃文廐）。由於兩大支持馬房，在季中頻頻有攻勢，的確帶挈到佢唔少，令佢頭馬數字飊升。

　　今期呢位旺人坐騎唔多，不過，隻隻夠惡，「快達小子」、「敏歡騰」、「誠信寶駒」和「事事為王」，全數係路程啱而有近績撐腰，相信今期要持續交出成績唔會有難度。