|
|
今年冇年卅晚，聽日就係大年初一喇！我Wendy提早祝各位讀者來年事事順利，身體健康！至於我自己嘅小心願同唔少人都一樣，當然就係快啲買到層樓上車，安居樂業！香港人真係幾辛苦o架！新政府上場以來，生活根本冇改善過，我哋生活壓力好大。唔係賣花讚花香，多啲睇我哋球彩台，都係其中一個減壓好方法！
去到龍年最後一日，今晚策略都係小注怡情，寧願慳番啲錢行年宵買嘢好過！今晚德甲早段有場慕遜加柏對利華古遜，主隊嘅主場威力唔講得笑，有受讓下我揀下盤。其實呢場波莊家都幾睇重利華，好多都開利華作客讓平/半中水，不過佢哋作客表現唔穩定，4勝2和4負呢個作客賽績，勝出率都唔過5成，依家仲要讓波？都係少掂為妙！
利華古遜作客吔吔烏
利華古遜咁多場作客，只有對弗賴堡嗰場係冇失波，今晚仲要有主力中堅奧馬托柏克停賽，若果利華今晚唔失波，我Wendy就請你哋食飯！佢哋上個禮拜輸咗畀多蒙特，連「二哥」位都無埋，呢場唔搶分力追點得！但下周中有歐霸後顧，勝算又要打番個折喇！
慕遜加柏下周都要踢歐霸，但話晒係出擊主場，今季佢哋主場成績係5勝2和2負，主場不敗率有成77%，有得受讓點解唔揀？首循環佢哋作客都同利華古遜踢成1比1，依家返主場有權贏埋！慕遜加柏今晚有右閘贊迪斯基停賽，但其餘主力例如靴爾文、艾蘭高等都會繼續上陣，牌面上有得揮，所以下盤係我選擇囉！
Wendy推介：
慕遜加柏 對 利華古遜
慕遜加柏（下盤） |
|
金睛卡
发表于 2013-2-9 09:09
变色卡
显身卡