西布朗團結唔赦熱剌

猪拉多纳

上個禮拜，小妹一路睇足總盃直播睇到火都嚟！熱刺呢隊波令小妹勁失望，完全唔知喺度踢乜，對住英冠仔列斯聯都只係靠丹普西破蛋，先輸得冇咁樣衰！今晚佢哋造訪西布朗，根本讓唔起，一於博西布朗受讓平半嘅下盤啦！
熱刺近4戰未贏過

連埋足總盃在內，熱刺近4場波都冇贏過，近況認真唔掂檔。最弊係呢4場波入面佢哋只係入得3球，作客實力相對較弱既昆士柏流浪同諾域治都贏唔到，仲點捧得落手？歸根究柢，熱刺條鋒線真係好有問題，艾迪巴約去咗踢非國盃，迪科爾又一沉不起，堅有料嘅丹普西又擺响後備，真係唔知領隊保亞斯諗乜。
西布朗盧卡古有料到

係，西布朗連足總盃在內近8戰只得1勝，但以佢哋嘅人腳同實力嚟計，依家可以排喺聯賽榜前10，其實已經好叻仔，點可能要求佢哋場場都踢得番季初嘅水準先？睇番佢哋以前成日做升降機，季尾都係為護級而戰，難得今季成績咁好，如果再畀多兩錢肉緊，分分鐘有得打歐洲賽，小妹當然希望佢哋可以贏番場漂亮勝仗啦。

事實上，西布朗陣中出名嘅球星真係唔多，但正因為咁踢得更加整體，特別要提係箭頭盧卡古，呢位小將有腳法有速度，一定能夠帶領西布朗重返勝軌嘅。

推介：西布朗（下盤）
愈忙愈Enjoy有所想，無所動，只是夢。

有所動，無所想，度光陰。

有所想，有所動，夢竟成。

一個人成功與否取決於心態。今個星期小妹返新工，每一日都好忙碌，但係我都唔覺辛苦，反而仲好Enjoy添！萬事起頭難，我一定會堅持到底！