QPR實力急升呢 揀得諾手

猪拉多纳

英超昆士柏流浪呢期認真巴閉，臨到轉會窗關閉之前狂掃3名猛將，包括俄超安治中堅基斯杜化森巴以及一對熱刺球員贊拿斯同安祖斯唐辛。連同早前免費加盟嘅賓希姆、雷米以及南韓尹錫榮，令QPR嘅質素可謂大幅度上升。本周佢哋主場對諾域治，度士對於主隊較為樂觀，主W有1.85倍不妨留意。（有線300及200台周六晚8時45分直播）
諾域治唔係咁優質

昆士柏流浪上周對戰強隊曼城打和0比0，度士特登坐喺電視機睇直播。當日昆士柏流浪嘅演出確實令人眼前一亮，估唔到一支下游球隊可以對冠軍球隊曼城構成咁大威脅。如果昆士柏流浪有少運氣幫助的話，真係贏埋都唔出奇。

老實講，昆士柏流浪本身人腳唔係咁差，上半季瘋狂失分只係領隊問題。依家有好領隊夏利列納執番正班波，成個feel就唔同晒。再加上1月轉會窗再簽多幾個好球員返嚟，昆士柏流浪就更加唔可以睇小。

諾域治質素唔係咁高，最近一次取勝對手都只不過對住低組別球隊彼德堡，所以度士認為QPR只要打出應有水準，諾域治唔係佢哋對手。