車仔貪盃糟質賓福特

猪拉多纳

英格蘭足總盃踢到嚟第4圈，難得今晚有3場好戲碼，小妹梗係要湊熱鬧玩埋一份啦！睇勻咁多場，小妹最心水都係賓福特主場對車仔個1.67倍「讓球客勝」！

小妹周中雖然去咗晉江公幹，不過都有上網搵Link睇車仔對史雲斯嗰場聯賽盃4強戰，唔睇猶自可，一睇把幾火，車仔攻極唔入係唔抵，但夏薩特都唔應該因為躁咗，走去踢執波仔囉，雖然嗰位小DeeDee拖延時間係唔啱，不過佢只係小朋友，你一腳踢埋去，於心何忍呀？
賓福特3將唔出得

算，所謂「禍不及隊友」，車仔雖然多賤男，但從投X角度睇，呢班波又的確幾抵捧嘅，始終車仔周中喺聯賽盃出局，英超又難爭，足總盃係佢哋今季嘅唯一捧盃希望，戰意唔使懷疑，咪忘記車仔近6仗有4次攻入2球或以上，近6次作客仲入足17球添，就算域陀摩西斯同約翰米基爾去咗踢非國盃，只要有丹巴巴亞，使驚冇波入咩？

甲組仔賓福特近11戰都有5勝5和1負，不過佢哋條防線認真麻麻，近3次主場出擊加埋失5球，後防大將碧維爾又話要坐波監，前線仲有件10號仔艾阿拉古同右中場基雲奧干拿打柴添，連反擊力都冇，想破蛋都有難度。
推介：車路士（讓球客勝）

微博傳情：晉江「豪」遇記

上文都提過，小妹喺周中同老細及幾位同事去咗福建晉江出差，出發前都知會住5星級酒店o架喇，不過去到依然被間房嘅豪華裝修嚇咗一跳！嘩！勁靚囉！講真，就算唔講酒店，晉江啲風景同當地人都Nice Nice，大家有時間的話，不妨去嗰度玩吓啦！