紅軍輸盤格上圈有辦睇

猪拉多纳

利物浦第四圈作客英甲奧咸，紅軍上圈作客對非聯賽曼斯菲只係小勝一粒，作客讓得咁狠信唔過，今場自製受讓球半盤，推介4.4倍「讓球主勝」同3.9倍「讓球和」，奧咸唔輸多過一球都有錢贏！

（now 633及660周一凌晨零時直播）
自製球半下盤捧奧咸

利物浦教頭羅渣士不嬲好肯畀機會年輕球員，今季代表作係捧紅快翼史達寧，佢今季慣性喺盃賽派出蘇素及舒維爾等小將吸取經驗。另外，意國射手波連尼傷愈後長坐冷板，今戰有機會擔正攻堅，不過左閘荷西安歷基要長抖，右閘格連莊臣上陣成疑，門神連拿亦唔打得，後防人腳唔齊，實在唔多穩陣。

奧咸現時由前曼城名將迪高夫領軍，佢哋近八場英甲輸七場，戰績好曳，但轉戰盃賽即發威，上圈踢走英冠諾定咸森林，踢落唔曳。利物浦向來惹飛，就算收起部分主力都有大把捧場客，不過紅軍上圈作客對第五級別球隊曼斯菲都係僅熟贏2比1，今場作客英甲球隊明顯讓多咗，一於博奧咸啦！