布城回勇「+1」掃落「葉」

猪拉多纳

因為要遷就英足盃第四圈比賽，英超暫停一周，細鬼決定研究次一級嘅英冠聯賽，包尾大幡布里斯托城主場迎戰葉士域治，布里斯托城早前炒咗領隊麥恩尼斯，表現雖未致於脫胎換骨，但整體士氣及球員信心明顯有改進，葉軍係全英冠攻力最疲弱球隊，作客讓唔起對手，細鬼建議捧「讓球主勝」。

（周六晚11時開賽）

現今球壇非常「功利」，只要球隊冇成績，功勳領隊被炒已經司空見慣，不過布里斯托城早前接連不敵米禾爾、布力般流浪及李斯特城，三隊其實都係英冠實力分子，輸波乃情有可原，但呢個只係細鬼個人見解，球會高層唔係咁諗都冇辦法。炒咗前領隊麥恩尼斯之後，球會搵咗前諾定咸森林領隊杜斯戈爾接掌，首場聯賽雖然輸畀列斯聯，但表現並唔曳，今次係佢首次喺主場領軍出擊，當然希望打場好波畀球迷睇。
葉士域治攻力英冠最弱

葉士域治踢咗28場聯賽僅入28球，係全英冠入波最少嘅球隊，尤其作客入球數字平均一場都入唔到一球，咁疲弱嘅攻力試問點讓波，讓球主客和客軍讓一球，「讓球主勝」必捧，另外平手盤主隊亦可小敲。