卡爾斯魯厄搶分法圍

猪拉多纳

06/05/2012
文： ComboKing

德乙今晚煞科，兩個直接升班席位已塵埃落定，今輪焦點落喺護級方面，尾三卡爾斯魯厄主場對法蘭克福，卡軍只要贏波，起碼可以參加護級附加賽，戰意有保證。而且法蘭克福已穩奪升班資格，球員嘅心可能已飛去度假，唔慌會落力，卡爾斯魯厄仲有得受讓，「讓球主勝」穩陣。（周日晚7時30分開賽）


卡爾斯魯厄今仗贏波不但可保住護級附加賽資格，一旦奧厄或科特布斯輸波，仲可以超越佢哋成功護級。事實上，卡爾斯魯厄季尾靠主場搵食，近三次主場出擊全勝兼冇失波，今仗好大機會有分落袋。


至於法蘭克福無疑實力勝一籌，但問題係已奪升班資格，隨時派二線兵上陣都唔奇。而且法蘭克福作客唔使刻意贏波向球迷謝幕，唔會壞卡爾斯魯厄護級大事。


前列方面，第三位嘅杜塞爾多夫今仗主場只要贏杜伊斯堡，好大機會憑較佳得失球差力壓柏達邦，獲得升班附加賽資格。由於杜伊斯堡已踢緊風流波，估計半場都頂唔住，要杜塞爾多夫「半場主勝」。另外，布倫瑞克主場對恩高斯達特，兩隊季尾都hea踢，尤其係布倫瑞克近四場都冇波入，捧入球細。