保頓飛勁捧主Ｗ

猪拉多纳

06/05/2012
文： SAMVO肥叔

成日話「意甲波、蠱惑多」，但經過有關方面大力打擊，呢個聯賽的確比以前正氣咗，始終全世界（目及）實，要做嘢都唔係咁易，你估真係博拉咩！同埋大球會更加會潔身自愛。拿玻里同烏甸尼斯都要爭取來屆歐聯席位，今輪分途出擊讓波，捧上盤！


講戰鬥力，拿玻里同烏甸都好強，加上去到季尾兩隊都有鮮明目標，更加值得信賴。拿軍作客博洛尼亞，烏甸主場對熱拿亞都讓得起對手。（同於周日晚9時開賽）

韋根有買趁早

英超方面，保頓主場鬥西布朗亦值得睇好。客軍領隊鶴臣爆冷奪英格蘭帥位，教埋最後兩場就離隊，球員人心惶惶。保頓上仗輸畀熱刺，級數唔同失晒三分冇計，但今仗形勢完全唔同，讓半球盤口硬淨，飛數亦對辦，捧主Ｗ。另一場愛華頓作客狼隊，狼隊早已護級失敗，主場十連負睇見唔開胃，「拖肥糖」近排腳風極順，要大盤。而早場紐卡素主場對曼城，紐記弗到震，曼城爭標大晒咩，讓到半一太多，捧下盤同大盤。


睇埋周二凌晨英超護級戰，布力般流浪主場鬥大勇韋根，布力般散晒竟然要讓波，唔使問當然揀下盤啦。

肥叔心水

紐卡素 下盤、大盤


熱刺 上盤

保頓 上盤

愛華頓 大盤

拿玻里 上盤

烏甸尼斯上盤

韋根（周一）　下盤