|
无敌係时候开斋
今晚泥地赛事形势幾混乱,都係小注怡情好。推介第二场「无敌」,季内七战未上过名,但前仗跑入一席第五,输唔够两个马位,證明有战鬥力,况且评分已经减唔少,今次转跑泥地,随时可以打开胜门。
另外推介第四场「金瑞」,六岁马季内取得两W两Q,正值大熟之年,上场跑谷草大长途放番都输唔远,回师泥地赛威力应该更强,排二档亦佢主动跑法,要吼实。
张敬山
千军万马出头
蔡约翰依家响练马师榜一枝独秀,刚仲凭「阳明飞飞」赢埋打,手风顺到不得了,今日一於再捧佢马。推介第二场「千军万马」,初出场已同「小宇宙」拍住返,响四班一定有数,转跑泥地对手减弱,出头在望。
另外锺意尾场「傲男」,上场初跑一班赛,前段放快亦输唔远,今次落番跑二班赛,对手减弱,跑法主动马,跑泥地应该难唔到佢,要吼实。
任达华
健康蓝莓捧得过
苏狄雄刚凭「叻先生」同「先鞭直前」起孖,依家累积69W,差一场头马就毕业,今次再捧佢场。推介第四场「稻庭乌冬」,前仗赢「实业传奇」同「恭喜发财」,後两驹之後全部赢晒,赛事水準唔曳,回气一仗後随时又出招。
另外要吼第六场「健康蓝莓」,上季跑叁班赛曾经上名,卡士唔输蚀,况且佢跑法够主动,有分头咪错过。
寇鸿萍、梁廷锵
|
|