|
竞技英雄换人搏
潘顿刚啱凭「飞天龙驹」同「定做」起孖,手风咁顺,我睇好佢继续有马赢。
推介尾场「竞技英雄」,上场初出跑1400米,大半条直路未能望空,返嚟都唔係输好远,赛後安国伦更被小组提醒要力策到底。今次热身後增程,换潘顿操刀随时赢得。
另外锺意第二场「日月霸王」,上场初跑泥地即幾乎赢马,摆明係泥优於草之辈,吼準泥地一哩再上阵,摆明求补中。
张敬山
郭能表现威猛
郭能刚啱凭「劲击」同「铁胆龙」起孖,表现够晒神勇,赌马要跟红顶白,一於再捧佢啲坐骑。推介第五场「威猛」,上场初出响田草1200米湧入一席第四,质素应该唔曳,热身後今仗落番四班跑,孭重磅一样有权赢晒,咪睇小。
另外锺意第九场「威威多星」,上场爆出99倍大冷赢马,但睇番赢马过程唔係靠符碌,五岁马仲有分响手,继续跑番1200米,随时再爆。
任达华
名马唞够出击
蔡约翰今日恶马尽出,肯定唔会空手而回,即管睇吓佢赢到幾多场。推介第叁场「名马」,呢隻马今季四战两胜,赛绩梅花间竹,上场跑第十只係输在气管有血,今次唞近两个月再上阵,话唔定又可赢马。
另外锺意第九场「皇帝法令」,上场响泥地赢得「魔幻大师」,绝对係实力表现,依家星味冇季初时候咁浓,反而成日有好赔率,田草1200米係佢起家路程,值得一捧。
寇鸿萍、梁廷锵
|
|