|
|
年終賽熱門馬係咁死火，嚟到元旦賽又會點？通常大時大節，賽果好少會走偏鋒，唔知係乜嘢原因？但唔覺得需要深究，總之，趨勢係咁咪順住走，硬係要對着幹，嘥氣！
正如日前本報資料組整咗個近3季元旦日頭馬表，7倍以下嘅獨贏有廿幾匹，10倍W或以上只得4匹，除非今季忽然吹冷風，如果「傳統」冇大變動，呢日唔係咁啱博冷門。
而望多眼個表，原來近3季大摩1W都攞唔到，堂堂大馬房居然元旦日冇馬贏，真係講都唔信？！嘩，假如今季又係咁「濕滯」，摩廐fans喺新年咪唔慌有運行。
不過，對上3季元旦賽，大摩其實唔係翹埋雙手，又或以普通陣容迎戰，如果唔係，嗰批上陣馬唔可能多數走到入前列，09年7駒獲4Q、10年10駒獲3亞1季2殿、11年9駒獲3亞1季1殿，而當中有部分入Q馬，所負距離唔係多，像「超群如意」、「共創未來」等。
再施馬海戰術
當然，數據確有一定參考性，點都會喺嚟近嘅元旦賽，小心揀擇摩廐馬，但見華商會盃嗰場，大摩又嚟馬海戰術，其中「讚惑」、「甜將」及「傾力之城」，唔係冇機會，或可為摩廐打破缺口。
馬會賽馬節目主持 洪禮賢
|
|
金睛卡
发表于 2011-12-30 09:38
变色卡
显身卡