生豪後上贏得驚險

猪拉多纳

本地薑賴維銘身手一向唔曳，不過今季運氣麻麻，經常被罰停賽，成績自然比以往失色。好在賴仔始終係實力派，只要有好馬喺手，一樣可以交到貨。尋日第三場四班泥地千二米，賴仔夥拍「生豪」上陣，雖然一出閘跟唔住留到包尾，但騎者不慌不忙，直路刻意走內檔等空位，卒之畀佢殺出血路，後上擒低鄭雨滇坐騎「好好友」，爆出14倍冷Ｗ。
  
賴維銘（右）爆出生豪，今季首度替鄭廐建功。





賽後做檢討時，賴仔、鄭俊偉傾得鬼咁肉緊，猛話早段形勢真係好驚險，估唔到「生豪」可以追上嚟兼贏埋添。米高鄭仲話呢匹五歲馬睇嚟跑後上最好，日後可能嘅話都會用番相同戰略。