喜來仙子獨贏熨手

猪拉多纳

　　今晚鄭雨滇同吳嘉晉齊齊停賽復出，佢哋嘅坐騎唔知點解都有怪飛，當中後者更有三匹馬熱到曾成為大熱門，要睇住佢。講到停賽，剛周日贏G1威到盡嘅蔡明紹亦因為不小心策騎「加州萬里」而被罰，但佢決定延遲至一月四日先停，唔通呢期心中有馬？要留意吓。

　　果然，蔡明紹今晚第八場就有一匹獨贏離奇熨手嘅坐騎，就係東廐「喜來仙子」。雖然話呢匹馬上仗名次大幅進步，跑入第五攞獎金，但今次獨贏唔至於得番3.5倍啩？上次贏完嘅「友瑩果」獨贏都只係3.1倍喳喎。睇番「喜來仙子」至今兩場最後賠率，一次31倍，一次28倍，今次來得咁猛，唔似講笑，信一注穩陣。

　　吳嘉晉坐騎少照惹飛

　　騎師王方面，韋達有3倍已經奇，或者係爆冷先兆，當中吳嘉晉四匹坐騎得14倍，有古怪，可以一敲。

周仲