至尊飛星離奇有票

猪拉多纳

　　十二月嘅國際賽事多籮籮，法籍騎師巴米高早幾日到埗，今日仲有六匹坐騎熱身，當中「黃金褭蹄」有啲隔夜飛支持吓，可能憑佢開齋都未定。

　　至於怪飛馬都喺「黃金褭蹄」嗰場，即係第五場三班1400草地賽，佢就係苗廐「至尊飛星」。呢匹馬至今跑咗七場，最後賠率徘徊喺20至99倍，對上兩仗完全冇人吼，出閘前仲係99倍，當然輸番七個多馬位返嚟，今次佢個W竟然曾得15倍，真金白銀押落去，睇嚟唔似講笑，但落飛者咁有信心，究竟點解？相信同佢呢兩場末段都交出追勁有關。睇番上仗末段時間，「至尊飛星」有力締出23.16秒，相信唔係曳嘢，或者同「黃金褭蹄」叮噹馬頭返嚟。

　　搏冷吼實郭立基

　　騎師王方面，韋達得1.85倍，會唔會因為佢連續四次封王而熱？如果想博冷，郭立基都係好選擇，好少見佢得8倍。

周仲