精彩日子火旺

猪拉多纳

　　今日沙田上演九草兩泥賽事，目前在練馬師榜領先之蔡約翰，今日亦擺出強陣應戰，其中以「明達」與「精彩日子」兩駒最具分量，有望為倉主增添頭馬進帳。

　　出爭第八場三班泥地1200米的「明達」，季內已跑過三仗熱身足夠，復課後加強備戰，連課快試考驗，走來輕身，埋門踱步狀態亦對辦。此駒去季在同程以佳速輕勝「心歡笑」，反映泥地性能出色，今回再戰強項路程，回配贏馬拍檔普萊西，抽得四檔好位起步，必求贏馬交代。

　　列陣尾場三班1400米的「精彩日子」，上仗在港首戰即在同程取勝，贏來姿態鬆容，完全視亞軍「自由萬歲」如無物，後駒再出亦已贏馬補中，可見賽事水準極高，故勝後亦被重加十四分，可見極受評磅員重視。此駒拼後復課，仍由韋達一手摸實，即使連內圈踱步亦不放過，埋門所見走來火旺神生。大超班馬目前仍然留在三班上陣，再戰勝途田草1400米，加上有二檔幫手，要再捷應冇難度。

家明