「白沈」粉絲捧好香港

猪拉多纳

　　噚晚除咗尾場「明興寶寶」，其他七場的W及P熱門曾分別落喺唔同馬上，睇嚟唔多穩陣，爆冷在所難免。

　　近來白德民同沈集成夾到痺，二人合作惹晒飛，就好似今晚「好香港」同「洪福齊來」都有唔少粉絲支持，後駒上次贏完，飛數辣唔奇，但報跑第四場四班1200米嘅「好香港」，抽排十一檔兼在港初出，卻換來8.4倍W，2.6倍P，未免太熱情。

　　睇番「好香港」近期操練，原來一直由白德民同沈集成輪流摸住，早前騎者仲幫佢喺田草試閘拎第三，唔怪得熱。不得不提，馬主袁仕傑先生對上兩匹愛駒「好爸爸」及「我愛您」初出都入Q，要留心「好香港」。

　　白德民騎師王票勁

　　騎師王方面，白德民果真有飛，四匹坐騎得9倍，比起韋達七匹坐騎卻有3.75倍有說服力好多，捧佢。

周仲